मैत्री तुझी माझी
आहे जगावेगळी
नं कुणाला ती कळली
नं कुणाला ती उमजली
निरंतर संवादाची
मैत्री तुझी माझी
एक हाक हक्काची
एक लाट आनंदाची
आठवते मी तुजला
पाहाते जेव्हा भोवताली
कधी ते रुसवे फुगवे
कधी ती खट्याळ मस्करी
आठवते मी सगळे
असते जेव्हा एकांत क्षणी
नाही त्यात व्यवहार कुठले
नाही त्यात औपचारिकता
आहे निखळ निर्मळ
मैत्री तुझी माझी
न लागो तिला नजर
न होवो कधी निराशा
अशीच राहो निरंतर
मैत्री निरंतर संवादाची
मधुरा खळतकर
No comments:
Post a Comment