'उन्हाळ्याची सुट्टी'

सुट्टी सुट्टी उन्हाळ्याची सुट्टी
परीक्षा संपली, आली हक्काची सुट्टी

शाळा नाही अभ्यास नाही
उनाड उद्योग अन् दिवसभर मस्ती

कुठे उन्हाळी शिबीर कुठे सहल थंड गावी
खट्याळ भावंडांची साऱ्या जमेल गट्टी

आंब्याच्या रसाची असेल मेजवानी
रंगेल पत्यांचे डाव, नसेल गृहपाठाची धास्ती

येईल गप्पांना ऊत, आठवू जुन्या आठवणी
कुलरच्या हवेत ऐकू आजीच्या गोष्टी

मधुरा खळतकर